«Ливерпуль» клуби «Барселона» ярим ҳимоячиси Малкомга қизиқиш билдирмоқда, дея хабар қилмоқда Football Espana нашри.
Манбада таъкидланишича, инглиз клуби бразилиялик футболчини ёзги трансфер мавсумида қўлга киритишга уриниб кўради. Футболчига шунингдек, «Арсенал» ва «Тоттенхэм» клубларидан ҳам қизиқиш бор.
21 ёшли Малком каталонлар сафига ўтган ёзда «Бордо»дан келиб қўшилганди. Ўшанда «Рома»га ўтиши кутилаётган футболчини «Барса» сўнгги онда ўз томонига оғдириб олганди.
41 млн еврога сотиб олинган Малком кўк-анорранглилар сафида етарли ўйин амалиётига эга бўлолмаяпти. Унинг каталонлар билан амалдаги шартномаси 2023 йилга қадар мўлжалланган.
