Qarshi shahrida voleybol bo‘yicha 2003-2004 yillarda tug‘ilgan o‘g‘il bolalar va qizlar o‘rtasida II O‘zbekiston chempionati o‘tkazilayotgan haqida xabar bergan edi.

Bahslarda 25 ta (12 ta o‘g‘il bolalar va 13 ta qizlar) jamoa qatnashgani mamlakatimizda voleybolning ommalashayotganidan darak bermoqda.

O‘g‘il bolalar o‘rtasida o‘tkazilgan bellashuvlarning hal qiluvchi final bahsida farg‘onaliklar andijonlik tengdoshlaridan 3:0 hisobida ustun kelishdi. Uchinchi o‘rin uchun kechgan o‘yinda esa Navoiy vakillari xorazmlik raqiblarini 3:0 hisobida mag‘lub etishdi.

Qizlar o‘rtasida Buxoro hamda Jizzax jamoalari o‘rtasidagi murosasiz bahs 3:0 hisobida yakunlandi. Namanganliklar esa farg‘onalik raqibalarni 3:1 hisobida mag‘lub etib, uchinchi o‘ringa sazovor bo‘lishdi.

Musobaqa yakunida kuchli uchlikka kirgan jamoalarga medallar, diplom va esdalik sovg‘alari topshirildi.