Қарши шаҳрида волейбол бўйича 2003-2004 йилларда туғилган ўғил болалар ва қизлар ўртасида II Ўзбекистон чемпионати ўтказилаётган ҳақида хабар берган эди.
Баҳсларда 25 та (12 та ўғил болалар ва 13 та қизлар) жамоа қатнашгани мамлакатимизда волейболнинг оммалашаётганидан дарак бермоқда.
Ўғил болалар ўртасида ўтказилган беллашувларнинг ҳал қилувчи финал баҳсида фарғоналиклар андижонлик тенгдошларидан 3:0 ҳисобида устун келишди. Учинчи ўрин учун кечган ўйинда эса Навоий вакиллари хоразмлик рақибларини 3:0 ҳисобида мағлуб этишди.
Қизлар ўртасида Бухоро ҳамда Жиззах жамоалари ўртасидаги муросасиз баҳс 3:0 ҳисобида якунланди. Наманганликлар эса фарғоналик рақибаларни 3:1 ҳисобида мағлуб этиб, учинчи ўринга сазовор бўлишди.
Мусобақа якунида кучли учликка кирган жамоаларга медаллар, диплом ва эсдалик совғалари топширилди.