Yevropa ligasining 1/16 final bosqichi doirasida «Sevilya» o‘z uyida «Lasio»ni qabul qilib, ishonchli g‘alabani qo‘lga kiritdi.

Bahsning 20-daqiqasida Ben-Yedder hisobni ochgan bo‘lsa, o‘yin tugashiga 12 daqiqa qolganida Sarabiya hisobdagi farqni oshirdi. Bu ikki gol oralig‘ida — ikkinchi bo‘limda har ikkala jamoadan bir nafardan futbolchi maydondan chetlatilganini ta’kidlash lozim.

Rimda bo‘lib o‘tgan dastlabki o‘yinda "Sevilya" 1:0 hisobidagi g‘alaba bilan qaytgandi. Shu tariqa, andalusiyaliklar Yevropa ligasining dastlabki nimchorak finalchisiga aylanishdi.

Yevropa ligasi, 1/16 final, javob o‘yini
Sevilya Ispaniya – Lasio Italiya 2:0 (1:0, 1:0)
Gollar: 1:0 – 20 Ben-Yedder, 2:0 – 78 Sarabiya.
Sevilya – Vaslik, Merkado, Kyer, Gomes, Mesa (Rog, 82), Navas, Eskudero (Promes, 6), Sarabiya, Vaskes, Andre Silva (Amadu, 64), Ben-Yedder.
Lasio – Strakosha, Gabarron (Korrea, 49), Acherbi, Radu, Badel (Durmisi, 76), Marushich, Parolo, Leyva, Lulich, Milinkovich-Savich (Romulo, 56), Kataldi, Kaysedo, Immobile.
Ogohlantirishlar: Vaskes (18), Gabarron (21), Kaysedo (31), Immobile (84).
Chetlatish: Vaskes (60), Marushich (71).
Dastlabki o‘yin — 1:0