Yevropa chempionlar ligasining nimchorak final bosqichi doirasida «Atletiko» o‘z uyida «Yuventus»ni qabul qilib, ishonchli g‘alabani qo‘lga kiritdi.

Uchrashuvning aksariyat qismida hisob ochilmadi. 70-daqiqasida Alvaro Morata hisobni ochishga muvaffaq bo‘lgandi, ammo VAR tizimi golni bekor qildi. Bu paytda hujumchi Kyellinini itarib yuborib, so‘ngra darvozani ishg‘ol qilgandi. Shunga qaramay, mezbonlar qolgan daqiqalarda 2 marta raqib darvozasiga yo‘l topa olishdi. Dastlab Ximenes, so‘ngra Diyego Godin turinliklarni xafa qilishga muvaffaq bo‘lishdi.

Shu tariqa, "Atletiko" javob o‘yini oldidan jiddiy ustunlikka ega bo‘ldi. Javob o‘yini mart oyida "Yuventus" maydonida o‘tkaziladi.

Yevropa chempionlar ligasi, 1/8 final, dastlabki o‘yin
Atletiko Ispaniya – Yuventus Italiya 2:0 (0:0, 2:0)
Gollar: 1:0 – 78 Ximenes, 2:0 – 83 Godin.
Atletiko – Oblak, Xuanfran, Ximenes, Godin, Filipe Luis, Saul, Rodri Ernandes, Parti (Lemar, 61), Koke (Korrea, 67), Grizmann, Diyego Kosta (Morata, 58).
Yuventus – Shchensni, De Shilyo, Bonuchchi, Kyellini, Aleks Sandro, Bentankur, Pyanich (Djan, 73), Matyuidi (Joau Kanselu, 84), Dibala (Bernardeski, 80), Mandjukich, Ronaldu.
Ogohlatirishlar: Diyego Kosta (8), Parti (45), Aleks Sandro (55), Grizmann (89).