Yevropa chempionlar ligasining nimchorak final bosqichi doirasida «Manchester Siti» safarda «Shalke» klubi mehmoni bo‘lib, irodali g‘alabani qo‘lga kiritdi.

Bahsning 18-daqiqasida Serxio Aguero hisobni ochishga muvaffaq bo‘ldi. Ammo tanaffusga qadar mezbonlar ikkita penalti ishlashdi va Bentaleb har ikkala 11 metrli jarima zarbasini golga aylantirdi.

Ikkinchi bo‘limda "Siti" himoyachisi Otamendi maydondan chetlatildi. Shunga qaramay, Gvardiola jamoasi o‘yinning so‘ngi qismida ikkita gol urib, g‘alabani ilib ketishdi.

Shu tariqa, "Manchester Siti" javob o‘yini oldidan jiddiy ustunlikka ega bo‘ldi. Javob o‘yini mart oyida "shaharliklar" maydonida o‘tkaziladi.

Yevropa chempionlar ligasi, 1/8 final, dastlabki o‘yin
Shalke Germaniya – Manchester Siti Angliya 2:3 (2:1, 0:2)
Gollar: 0:1 – 18 Aguero, 1:1 – 38, penalti Bentaleb, 2:1 – 45, penalti Bentaleb, 2:2 – 85 Sane, 2:3 – 90 Sterling.
Shalke – Fermann, Kalidjuri, Bruma, Sane, Nastasich, Ochipka, Makkenni (Skribski, 78), Serdar, Bentaleb, Mendil (Burgshtaller, 65), Ut (Xarit, 87).
Manchester Siti – Ederson, Uoker, Otamendi, Laport, Fernandinyo, Gyundogan, de Bryuyne (Zinchenko, 87), Silva (Kompani, 70), Bernardu Silva, Aguero (Sane, 78), Sterling.
Ogohlatirishlar: Otamendi (36), Ut (41), Fernandinyo (43), Sane (73), Burgshtaller (90), Ederson (90).
Chetlatish: Otamendi (68).