Yevropa ligasining 1/16 final bosqichi o‘yinlari yakunlanib, nimchorak finalga chiqqan jamoalar nomi aniq bo‘ldi. Bugun esa 1/8 finalga qur’a tashlash marosimi bo‘lib o‘tadi. Mazkur tadbir haqidagi barcha foydali ma’lumotlar bilan tanishtirib o‘tamiz.

Nimchorak finalga chiqqan jamoalar
"Ayntraxt" (Germaniya)
"Arsenal" (Angliya)
"Benfika" (POR)
"Valensiya" (Ispaniya)
"Vilyareal" (Ispaniya)
"Dinamo" Zagreb (Xorvatiya)
"Dinamo" Kiyev (Ukraina)
"Zalsburg" (Avstriya)
"Zenit" (Rossiya)
"Inter" (Italiya)
"Krasnodar" (Rossiya)
"Napoli" (Italiya)
"Renn" (Fransiya)
"Sevilya" (Ispaniya)
"Slaviya" (Chexiya)
"Chelsi" (Angliya)

Qachon va qayerda?
Qur’a marosimi UYEFA shtab-kvartirasi joylashgan Shveysariyaning Nyon shahrida bo‘lib o‘tadi. Tadbir Toshkent vaqti bilan 17:00da boshlanadi.

Qur’a mexanizmi
Qur’a "ko‘r-ko‘rona" prinsipi asosida o‘tkaziladi. Jamoalar savatchalarga ajratilmaydi. Bir mamlakat klublari ushbu bosqichda o‘zaro to‘qnash kelishlari mumkin. Ukraina va Rossiya jamoalari o‘zaro to‘qnash kelishining oldi olinadi. Qur’a jarayonida dastlab Kiyevning "Dinamo" klubi olinadi va uning raqibi tanlanadi.

O‘yinlar qachon o‘tkaziladi?
Nimchorak final o‘yinlari 7 va 14 mart kunlari bo‘lib o‘tadi. Uchrashuvlar Toshkent vaqti bilan 22:55 va 01:00ga qo‘yiladi. To‘liq taqvim qur’adan so‘ng UYEFA tomonidan e’lon qilinadi. Qur’ada nomi birinchi chiqqan jamoa dastlabki o‘yinni o‘z uyida o‘tkazadi.

Musobaqaning qolgan taqvimi

7 mart: 1/8 final, dastlabki o‘yinlar
14 mart: 1/8 final, javob o‘yinlari
15 mart: chorak final va yarim finalga qur’a tashlash marosimi
11 aprel: chorak final, dastlabki o‘yinlar
18 aprel: chorak final, javob o‘yinlari
2 may: yarim final, dastlabki o‘yinlar
9 may: yarim final, javob o‘yinlari
29 may: final - "Olimpiyskiy" stadioni, Boku