«Super kubok» bahsi yakunlangach, matbuot anjumanining birinchi qismida Mirjalol Qosimov ishtirok etdi. Bu orada biz Andrey Fyodorovni biz uchun intervyu berishga ko‘ndirdik.

Avvalambor, g‘alabalar muborak bo‘lsin. Bugungi uchrashuvda «Loko»ning kamchiliklarini ko‘rdingizmi?

(Kuladi) Tabrik uchun rahmat. Savolga kelsak, albatta, biz bu xatolar ustida ishlashda davometamiz.

Marat Bikmayev ketgach, uning pozisiyasini kimga ishonib topshirasiz?

Bizda Abduxoliqov va Rayevats variantlari bor. O‘ylashimcha, ular bu mavsum o‘zlarini ko‘rsata olishadi.

OCHL da klub guruhdan chiqa olmayapti, buning sababi nimada deb o‘ylaysiz?

To‘g‘risi, aynan shu og‘riqli kamchilik ustida ishlayapmiz. Umid qilaman bu mavsum guruhdan chiqishni uddalaymiz.

Klub nima uchun saviyali legioner harid qilmadi?

Yo‘q nega endi, Rayevats borku?

U bizning chempionatda boshqa klub safida ham to‘p tepgan. Muxlislar uchun u legioner maqomida emas. Misol uchun janubiy amerikalik hujumchilar yoki yevropalik yarim himoyachilarni nega harid qilmadingiz?

(Kuladi) Men bunga hojat yo‘q deb o‘ylayman. Klub hozirgi tarkibi bilan ham kuchli.

Demak, siz uchun saviyali legionerlarsiz ham «Lokomativ» tarkibini kuchaytirish mumkin?

Albatta, bu tarkib  «Lokomativ» tarixida eng kuchlisi.

Bu mavsum klub oldiga qo‘yilgan eng muhim vazifa nima?

Bu klub mendan oldin ham, mendan keyin ham hamma frontda g‘oliblik uchun kurashadi.

O‘zbekiston chempionatida qaysi futbolchining o‘yinlari sizga ko‘proq yoqadi?

Akmal Shorahmedovning o‘yinlarini yoqtiraman. Bugungi uchrashuvda ham raqiblarimiz safida engyaxshi o‘ynagan Akmal bo‘ldi.

Suhbat uchun rahmat, g‘alabalaringiz davomli bo‘lsin.

Sizlarga ham Omad