«Супер кубок» баҳси якунлангач, матбуот анжуманининг биринчи қисмида Миржалол Қосимов иштирок этди. Бу орада биз Андрей Фёдоровни биз учун интервью беришга кўндирдик.

Авваламбор, ғалабалар муборак бўлсин. Бугунги учрашувда «Локо»нинг камчиликларини кўрдингизми?

(Кулади) Табрик учун раҳмат. Саволга келсак, албатта, биз бу хатолар устида ишлашда давомэтамиз.

Марат Бикмаев кетгач, унинг позициясини кимга ишониб топширасиз?

Бизда Абдухолиқов ва Райеватс вариантлари бор. Ўйлашимча, улар бу мавсум ўзларини кўрсата олишади.

ОЧЛ да клуб гуруҳдан чиқа олмаяпти, бунинг сабаби нимада деб ўйлайсиз?

Тўғриси, айнан шу оғриқли камчилик устида ишлаяпмиз. Умид қиламан бу мавсум гуруҳдан чиқишни уддалаймиз.

Клуб нима учун савияли легионер ҳарид қилмади?

Йўқ нега энди, Райеватс борку?

У бизнинг чемпионатда бошқа клуб сафида ҳам тўп тепган. Мухлислар учун у легионер мақомида эмас. Мисол учун жанубий америкалик ҳужумчилар ёки европалик ярим ҳимоячиларни нега ҳарид қилмадингиз?

(Кулади) Мен бунга ҳожат йўқ деб ўйлайман. Клуб ҳозирги таркиби билан ҳам кучли.

Демак, сиз учун савияли легионерларсиз ҳам «Локоматив» таркибини кучайтириш мумкин?

Албатта, бу таркиб  «Локоматив» тарихида энг кучлиси.

Бу мавсум клуб олдига қўйилган энг муҳим вазифа нима?

Бу клуб мендан олдин ҳам, мендан кейин ҳам ҳамма фронтда ғолиблик учун курашади.

Ўзбекистон чемпионатида қайси футболчининг ўйинлари сизга кўпроқ ёқади?

Акмал Шораҳмедовнинг ўйинларини ёқтираман. Бугунги учрашувда ҳам рақибларимиз сафида энгяхши ўйнаган Акмал бўлди.

Суҳбат учун раҳмат, ғалабаларингиз давомли бўлсин.

Сизларга ҳам Омад