Football Observatory tahlil markazi 2018 yil yakunlari bo‘yicha top-5 chempionatlarida o‘ynayotgan futbolchilar o‘rtasida eng ko‘p dribling ishlatgan o‘yinchilar reytingini e’lon qildi.
Birinchi o‘rinni «Barselona» hujumchisi Lionel Messi egalladi. Statistikaga ko‘ra, argentinalik futbolchi har 19,2 daqiqada bir marta raqib futbolchisini muvaffaqiyatli aldab o‘ta olgan.
Ikkinchi pog‘onani «Nissa» yarim himoyachisi Allan Sen-Maksimen egallagan – 19,8 daqiqa, kuchli uchlikka Eden Azar («Chelsi») kirdi – 21 daqiqa.
Top-10ga quyidagi futbolchilar kirishdi: Naim Sliti («Dijon»), Usmon Dembele («Barselona»), Jeydon Sancho («Borussiya» D), Markus Tyuram («Gengam»), Jeff Ren-Adelaid («Anjer»), Uilfrid Zaa («Kristal Pelas»), Anxel Korrea («Atletiko»).
«PSJ» hujumchisi Kilian Mbappe – 29-pog‘onada qayd etilgan bo‘lsa, «Yuventus» forvardi Krishtianu Ronaldu top-50ga kirmadi.
Mazkur ro‘yxatga bir yil davomida 1800 (Germaniya Bundesligasi uchun 1500) daqiqadan kam o‘ynamagan futbolchilar kiritilgan.
