Bo‘z tuman hokimi I.Mamadaliyev tashabbusi bilan jismoniy tarbiya va sport bo‘limi hamda bolalar va o‘smirlar sport maktabi hamkorligida tumanda “BO‘STON” nomli futbol jamoasi tashkil etildi.

Futbol jamoasiga kasb-hunar kollejlari, umumta’lim maktablari o‘quvchilari, 17 yoshdan 30 yoshgacha bo‘lgan uyushmagan yoshlar birikkan bo‘lib muntazam sport mashg‘ulotlarini o‘tkazmoqdalar. Mashg‘ulotlarni malakali murabbiylardan SH.Ohunov,  D.Anvarov, darvozabonlar bo‘yicha murabbiy SH.Komilov olib bormoqda.

Shu kunlarda Andijon viloyati “Xokimi kubogi” turnirida “D” guruxidan o‘rin olgan jamoa Andijon shahri jamoasidan so‘ng 8 ochko bilan 2 o‘rinda bormoqda. Jamoada Otabek Zokirov, Begzod Yusupov, Jahongir Sotvoldiyev, Farruhbek Oltmishboyev yetakchi futbolchilarga aylanganlar.

Albatta, uzoq yillar agrar soha ustuvor bo‘lgan Bo‘z tumanida qator sohalar jadal rivojlanmoqda. Keyingi yillarda tumanda barcha sohalar kabi jismoniy tarbiya va sportda ham ijobiy o‘zgarishlar ko‘zga tashlanyapti.