Artyom Kulesha yangi mavsumni Buxoroda o‘tqazadi. Rossiyalik legioner, himoyachi Artyom Kulesha Sankt Peterburg futbol maktabi tarbiyalanuvchisi hisoblanadi.
Himoyachi «Zenit», «Rostov», «Rubin», «Dinamo» (SPB), «Znamya Truda» (Orexovo-Zuyevo), «Okean» (Kerch), «Yunior» (SPB), «Kultsu» (Finlyandiya) kabi jamolarida to‘p surgan. Kulesha fevral oyida "Buxoro"da ko‘rikdan o‘tib bir necha nazorat uchrashuvlarida maydonga tushgan edi.
Murabbiylar shtabida iliq taasurot qoldirgan Artyom Kulesha jamoaga taklif qilindi. Umid qilamizki futbolchi murabbiylar tomonidan bildirilgan ishonchni oqlashga astoydil intiladi.
Shuningdek ertaga jamoa yig‘iniga yana ikki futbolchi kelib qo‘shilishi kutilmoqda. Ular: 2017-yil jamoamiz safida ajoyib mavsum o‘tqazgan himoyachi, Ukrainalik legioner Vladimir Bayenko va o‘tgan ikki mavsum jamoamizda to‘p surib kelayotgan yarim himoyachi Ergash Ismoilov.
