Osiyo chempionlar ligasi guruh bosqichining 1-turi doirasida «Paxtakor» Tehronda «Persepolis» klubi mehmoni bo‘ladi. Uchrashuvdan oldin tashkil etilgan matbuot anjumanida Shota Arveladze va Yegor Krimes ishtirok etishdi.

"Bu bizning guruh bosqichidagi birinchi o‘yinimiz, og‘ir o‘yin kutib turibdi. Ular o‘tgan yili finalda o‘ynashgan. Judayam yaxshi futbol namoyish qiladigan jamoa. Muxlislar stadionni deyarli to‘ldirib o‘tirishadi. Bu esa ajoyib futbol muhitini taqdim etadi.

Biz kimga qarshi o‘ynayotganimizni yaxshi bilamiz. Ularning avvalgi mavsumdagi va joriy yildagi o‘yinlarini o‘rganib chiqdik. Bu jamoa kuchini bilamiz.

Raqib ko‘plab o‘zgarishlar qildi deb o‘ylamayman. 2-3 futbolchi ketdi, lekin o‘sha murabbiy va falsafa qolgan. Ular agressiv o‘yin ko‘rsatishadi, jipsqoqlik bilan harakat qilishadi", — dedi Arveladze.

"Bizni ertaga juda qiyin o‘yin kutmoqda. Guruh bosqichida xato qilish kerak emas. Biz yangi jamoa bilan yangi maqsadlar sari bormoqdamiz. Raqibimiz kuchli futbolchilarga ega. Ularni ko‘plab muxlislar qo‘llab turadi", — dedi Yegor Krimes.