"Lokomotiv" - "Al Vahda" (2:0) uchrashuvidan keyingi matbuot anjumanining ikkinchi qismida "temiryo‘lchilar" bosh murabbiyi Andrey Fyodorov o‘z fikrlarini bildirib o‘tdi.
- Barchani g‘alaba bilan tabriklayman. Kechagi matbuot anjumanida aytganimdek, "Al Vahda" o‘zgargan. Raqiblar tartibli o‘yin namoyish qilishdi. Bizning ilk bo‘limga tanlagan taktikamiz ish berdi. Ikkinchi bo‘limning oxiri esa biroz asabiy o‘tdi. Bunday o‘yinlar orqali jamoalar tarbiyalanadi, xarakter kuchayadi.
Birinchi bo‘limda ko‘plab hujumlar qilganimiz bois katta kuch yo‘qotdik. Shu sababli ikkinchi bo‘limda to‘pni yo‘qotish holati ko‘p bo‘ldi. Jamshid o‘yinni yuqori saviyada o‘tkazdi. Charchagani bois uni almashtirdik va Shog‘ulomov hamda Amonov orqali qanotlarni ishlatishga harakat qildik. Menimcha bu yomon emas.
Timurxo‘ja Abduholiqov: - Barchani g‘alaba bilan tabriklayman. Birinchi bo‘limni qoniqarli o‘tkazdik. Ikkinchi bo‘limda esa vabankka bordik. Raqiblarning o‘yiniga moslashib qolganimiz uchun, hujumlarda muammolar bo‘ldi. G‘alabadan xursandman.
