“Lokomotiv” professional futbol klubining hamkorlari soni yana ikkitaga ortdi.

“Lokomotiv” PFK mashhur kompaniyalaridan biri “UZTELECOM” hamda “UZMOBILE” aloqa operatori bilan o‘zaro hamkorlikka imzo chekdi.

Bundayon buyon “UZTELECOM” asosiy titul homiyimiz “Orient Finans Bank” kabi “Lokomotiv” futbol klubining titul homiysi hisoblanadi hamda jamoa kiyadigan futbolkalarning orqa qismidagi raqam ostiga kompaniya yozuvi tushiriladi.

Shuningdek, “UZMOBILE” aloqa operatori ham “Lokomotiv” PFK bilan hamkorlikni yo‘lga qo‘ydi. “UZMOBILE” “temiryo‘lchilar” uchun umumiy axborot texnik xizmatlarni ko‘rsatadi.

Ma’lumki, “Lokomotiv” PFK shu paytga qadar “Orient Finans Bank” (OFB), “Joma” sport kiyimlari, “Alskom” sug‘urta kompaniyasi, “Sayhun” ichimlik suvi, “Sarkor Telecom” internet provayderi, “O’zbegim Taronasi” radiosi, “Osiyo” kolbasa mahsulotlari kabi tashkilotlar bilan hamkorlikda ish yuritib kelmoqda.