“Nasaf” bosh murabbiyi Ro‘ziqul Berdiyev yangi mavsum boshlanish oldidan fikrlarini bildirib o‘tdi.

- Yangi mavsum arafasida turibmiz, jamoamiz mavsumga qanday tayyorgarlik bilan kelmoqda?

- O‘zimiz ham mavsum boshlanishini intizorlik bilan kutmoqdamiz. Yangi mavsumga tayyorgarlikni imkon darajasida yaxshi olib bordik, deb o‘ylayman.

Bir necha kun oldin olimpiya terma jamoasiga taklif qilingan futbolchilarimiz ham safimizni to‘ldirishdi. Jamoa bilan butun e’tiborimizni 9  mart kuni “Dinamo” bilan bo‘lib o‘tadigan uchrashuvga qaratganmiz. Qanchalik bu Mavsumga   tayyor ekanligimizni  shu uchrashuvda ko‘rsatishga harakat qilamiz.

- “Dinamo” jamoasi bilan bo‘lib o‘tadigan uchrashuv haqida ikki og‘iz fikringiz.

- Yuqorida aytib o‘tganimdek hozir bor e’tiborimizni “Dinamo” bilan bo‘lib o‘tadigan uchrashuvga qaratganmiz. Jamoa tarkibidagi o‘yinchilar orasida yosh va tajribali o‘yinchilar bor. Bu yangi jamoa. Bu jamoa hali o‘z so‘zini aytadi”, - deydi Berdiyev.