AQSHning Las-Vegas shahrida og‘ir atletika bo‘yicha o‘smirlar o‘rtasida JCH start oldi. Xabar berib o‘tganimizdek, unda O‘zbekiston o‘smirlar terma jamoasi ham ishtirok etadi.
Bugun musobaqaning ikkinchi kun dasturida vakillarimizning birinchi chiqishi bo‘lib o‘tadi. Yigitlar o‘rtasida -55 kg vazn toifasida Og‘abek Nafasov o‘z dasturi bilan vakillarimiz orasidan dastlabki chiqishni amalga oshiradi. Uning ishtiroki Toshkent vaqti bilan 00:00ga to‘g‘ri keladi.
Oltin medal uchun bahs olib boradigan guruhda 13 nafar atlet chiqishi kutilmoqda. Mutaxassislarning fikricha, vakilimiz medallar uchun asosiy da’vogarlardan biri bo‘lib, unga Italiya va turkmanistonlik tengqurlari jiddiy raqobat tug‘dirishi kutilmoqda.
