AQSHning Las-Vegas shahrida bugun og‘ir atletika bo‘yicha o‘smirlar o‘rtasida jahon chempionatining uchinchi kun bahslari davom etadi. Musobaqaning ushbu kun dasturida yana bir hamyurtimiz ishtirok etadi.
Qizlar toifasida 49 kilogrammgacha bo‘lgan sportchilar orasida yurtdoshimiz Nigora Abdullayeva ham medallar uchun kurash olib borishi kutilmoqda. Abdullayevaning chiqishi Toshkent vaqti bilan 10 martdan 11 martga o‘tar kechasi taxminan 00:30ga to‘g‘ri keladi.
Eslatib o‘tamiz, kecha bellashuvlar yakunida yigitlarimizdan Og‘abek Nafasov dast ko‘tarish va ikkikurash bo‘yicha kumush medallarni qo‘lga kiritgan edi.
