Superliganing 1-turidan o‘rin olgan “So‘g‘diyona” – “Bunyodkor” (2:1) uchrashuvidan keyin mehmonlar ustozi Vadim Abramov o‘z fikrlari bilan o‘rtoqlashdi.
“Nima deyish mumkin? Alamli mag‘lubiyat, bunga o‘zimiz aybdormiz, xatomiz sababli yutqazdik. Vaholanki, mag‘lubiyatga loyiq emasdik.
Asosiy tarkib aniqmi? Shunday desa ham bo‘ladi, ammo bugun ayrim sabablarga ko‘ra, ikki tajribali futbolchimiz, Lutfulla To‘rayev va Anvar G‘ofurov maydonga tusha olmadi. Bugun maydonda to‘p surgan o‘yinchilarning aksari yosh edi. Ularga tajriba ham yetishmadi.
Maydon haqida ortiqcha fikr bildira olmayman, boisi, bugun o‘tkazib yuborilgan gollar maydonning holatiga bog‘liq emas”, - deydi Abramov.
