Superliganing 1-turida Jizzaxda «So‘g‘diyona» mehmoni bo‘lgan «Bunyodkor» jamoasi a’zolariga uchrashuvdan keyin qisqa muddatli tanaffus berilgan edi.
Garchi jamoamiz Superliganing 2-turini 31 mart kuni o‘tkazsada, navbatdagi o‘yinga qadar ikki haftadan ko‘proq vaqt bo‘lsa-da, «qaldirg‘ochlar» bugundan mashg‘ulotlarga kirishadi. Vadim Abramov shogirdlari tushdan so‘ng klub qarorgohida yig‘iladi va mashg‘ulotlarni boshlaydi.
Superliganing turlar oralig‘ida yuzaga kelgan tanaffusdan unumli foydalanishga harakat qilayotgan jamoamiz nazorat uchrashuvida maydonga tushishni rejalashtirilgan. 14 mart kuni «Bunyodkor» saralash o‘yinlariga tayyorgarlik ko‘rayotgan O‘zbekiston olimpiya terma jamoasiga qarshi o‘rtoqlik bahsida maydonga tushadi.
