2019 yilning 14 iyun – 7 iyul kunlari futbol bo‘yicha Amerika Kubogi (Copa America) o‘tkaziladi. Musobaqa Braziliya yashil maydonlarida bo‘lib o‘tadi.
“Amerika kubogi-2019″da Osiyo qit’asidan Yaponiya hamda Qatar terma jamoalari ham ishtirok etishadi.
Ushbu musobaqani O‘zbekistonda ham ko‘plab futbol ishqibozlari tomosha qilishi hech kimga sir emas.
MTRK “Sport” telekanali aynan ushbu musobaqalarning O‘zbekiston hududida namoyish etish huquqini qo‘lga kiritdi va endi yurtimiz futbol muxlislari ana shu futbol turnirini to‘g‘ridan-to‘g‘ri tomosha qilish imkoniga ega bo‘ldilar.
“Sport” telekanali direktori Zohid Karimovning tvitter sahifasida yozishicha, muxlislar, nafaqat futbol uchrashuvlaridan tayyorlangan translyasiyalarni balki uchrashuvlarning qiziqarli holatlarini o‘zida mujassam etgan “kundalik” shaklidagi ko‘rsatuvlarni ham tomosha qilish imkoniga ega bo‘ladilar.
