2019 йилнинг 14 июнь – 7 июль кунлари футбол бўйича Америка Кубоги (Copa America) ўтказилади. Мусобақа Бразилия яшил майдонларида бўлиб ўтади.
“Америка кубоги-2019″да Осиё қитъасидан Япония ҳамда Қатар терма жамоалари ҳам иштирок этишади.
Ушбу мусобақани Ўзбекистонда ҳам кўплаб футбол ишқибозлари томоша қилиши ҳеч кимга сир эмас.
МТРК “Sport” телеканали айнан ушбу мусобақаларнинг Ўзбекистон ҳудудида намойиш этиш ҳуқуқини қўлга киритди ва энди юртимиз футбол мухлислари ана шу футбол турнирини тўғридан-тўғри томоша қилиш имконига эга бўлдилар.
“Sport” телеканали директори Зоҳид Каримовнинг твиттер саҳифасида ёзишича, мухлислар, нафақат футбол учрашувларидан тайёрланган трансляцияларни балки учрашувларнинг қизиқарли ҳолатларини ўзида мужассам этган “кундалик” шаклидаги кўрсатувларни ҳам томоша қилиш имконига эга бўладилар.
