Mashg‘ulot yakunlanganidan so‘ng, jamoamizning rossiyalik yarim himoyachisi Ivan Solovyovning ham fikrlari bilan qiziqdik. U o‘z so‘zlarini quyidagicha bayon etdi:

- Qisqa muddatli hordiqdan so‘ng, bugundan mashg‘ulotlarga kirishdik. Ikkinchi tur bahsini jiddiy raqibga qarshi o‘tkazamiz va bo‘lajak bahsda g‘alaba qozonish maqsadida maydonga tushamiz. Shu bois, mashg‘ulotlarda jiddiy tarzda yondoshmoqdamiz.

Ilk bahsda o‘z imkoniyatimiz darajasida to‘p surolmadik. Shu bois, “Lokomotiv” bilan bo‘ladigan o‘yinda zafar quchishga intilamiz. Shunda jamoamiz yanada kuchayadi va bizga ham oson bo‘ladi.
“Qo‘qon-1912” jamoasi bilan bo‘lgan bahsda yengil jarohat olgandim. Xudoga shukr, hammasi ortda qoldi. Mashg‘ulotlarda qatnashyapmanmi, demak, o‘yinga tayyorman.

“Navbahor” PFK matbuot xizmati.