Машғулот якунланганидан сўнг, жамоамизнинг россиялик ярим ҳимоячиси Иван Соловьёвнинг ҳам фикрлари билан қизиқдик. У ўз сўзларини қуйидагича баён этди:
- Қисқа муддатли ҳордиқдан сўнг, бугундан машғулотларга киришдик. Иккинчи тур баҳсини жиддий рақибга қарши ўтказамиз ва бўлажак баҳсда ғалаба қозониш мақсадида майдонга тушамиз. Шу боис, машғулотларда жиддий тарзда ёндошмоқдамиз.
Илк баҳсда ўз имкониятимиз даражасида тўп суролмадик. Шу боис, “Локомотив” билан бўладиган ўйинда зафар қучишга интиламиз. Шунда жамоамиз янада кучаяди ва бизга ҳам осон бўлади.
“Қўқон-1912” жамоаси билан бўлган баҳсда енгил жароҳат олгандим. Худога шукр, ҳаммаси ортда қолди. Машғулотларда қатнашяпманми, демак, ўйинга тайёрман.
“Навбаҳор” ПФК матбуот хизмати.
