Yevropaning yetakchi klublari 2021 yildan boshlab yangi formatda o‘tkaziladigan klublar o‘rtasida jahon chempionatini boykot qilishga qaror qildilar, deya xabar qiladi Yevropa klublari assosiasiyasi (ECA).
FIFA kengashi juma kuni Mayamida 2021 yildan boshlab klublar o‘rtasida jahon chempionatini yangi formatda o‘tkazishni tasdiqlagshan edi. Ishtirokchilar soni 6 tadan 24 taga yetkaziladi, musobaqaning o‘zi esa odatdagiday har yili dekabr oyida emas, to‘rt yilda bir marta yozda o‘tkaziladi.
"ECA klublari 2021 yilgi klublar jahon chempionatida qatnashmaydilar, keyinroq 2024 yildan boshlab bu musobaqada qatnashish ehtimoli ko‘rib chiqiladi", - deyiladi yubayonotda.
Klublar JCH - olti konfederasiyaning eng kuchli klublari o‘rtasida musobaqadir. Musobaqa 2000 yilda tashkil topgan, 2005 yildan boshlab har yili o‘tkazib kelinmoqda. Oxirgi marta BAA mamalakatidan bo‘lib o‘tgan va unda "Real" g‘olib chiqqan.
