20 mart kuni "Paxtakor" futbol klubi hamda O‘zbekiston yoshlar ittifoqi Toshkent shahar Kengashi o‘rtasida memorandumga imzo chekildi.
"Paxtakor" futbol klubi oxirgi paytlarda muxlislarni stadionga jalb etish va ommaviy futbolni rivojlantirish ustida faol ishlashga intilib kelmoqda. O‘z navbatida O‘zbekiston yoshlar ittifoqi barcha sohalarda yoshlarga imkoniyat yaratish va ko‘mak berishda o‘z faolligini ko‘rsatmoqda. Tashkilot sport, xususan, futbolning ommaviyligini oshirish maqsadida turli musobaqalar, uchrashuv va tadbirlar tashkil etib keladi. Yoshlarni sportga yo‘naltirish, ularning qiziqishini oshirishda bu tashkilotning tutgan o‘rni ahamiyatli. Shu sababli bundan buyon "Paxtakor" futbol klubi va O‘zbekiston yoshlar ittifoqi Toshkent shahar Kengashi o‘rtasida hamkorlik aloqalari rasman yo‘lga qo‘yiladigan bo‘ldi.
Umid qilamizki, ushbu hamkorlik har ikki tomon uchun ham samarali bo‘ladi.
