Bugun Moskva shahridagi muhtasham «Lujniki» Olimpiya kompleksida sambo bo‘yicha jahon kubogi start oldi. Musobaqaning birinchi kun bahslari terma jamoamiz uchun muvaffaqiyatli o‘tdi.
Sportchilarimiz ushbu kun doirasida 2 ta oltin, 1 ta kumush va 3 ta bronza medallarini jamg‘arishdi. Zafar Allaberganov (-68 kg, jangovor sambo) hamda Sirojiddin Anorqulov (-57 kg, jangovor sambo) barcha raqiblarini mag‘lub etib, oltin medalga sazovor bo‘lishgan bo‘lsa, Bekzod Nurmatovga (-82 kg, jangovor sambo) hal qiluvchi bellashuvda omad yetishmadi. Shuningdek, Ulug‘bek Rahmonov (-82 kg), Zuhraxon Ma’murjonova (-52 kg) hamda Timur Xudoyqulov (-68 kg) o‘z vaznlarida shohsupaning uchinchi pog‘onasiga ko‘tarilishdi.
Shu tariqa sambochilarimiz birinchi kunni 6 ta medal bilan yakunladilar. Ertaga musobaqaning ikkinchi kun doirasida yana bir nechta umidli sportchilarimiz ishtirok etishi kutilmoqda.
