Superliga 2-turining qiziqarli va keskin kurashlarga boy tarzda o‘tishi kutilayotgan bellashuvlaridan biri Navoiyda kechadi.
Unda Navoiyning “Qizilqum” klubi Olmaliqning AGMK jamoasiga qarshi bahs yuritadi. Mazkur uchrashuvda mezbonlar qizil-qizil-qizil rangli sport kiyimlarida maydonga tushishadi. Olmaliqlik futbolchilar esa to‘liq oq rangdagi formalardan foydalanishadi.
Ushbu uchrashuv 29 mart, juma kuni soat 18:15da Navoiydagi “Yoshlik” sport majmuasi stadionida bo‘lib o‘tadi.