8-15 mart kunlari AQSHning Las-Vegas shahri og‘ir atletika bo‘yicha o‘smirlar o‘rtasidagi jahon chempionati bahslariga mezbonlik qildi. Ushbu nufuzli musobaqada O‘zbekiston terma jamoasi ham ishtirok etib, yuqori natijalarni qayd etdi.

Musobaqa yakuniga ko‘ra 7 nafar atletlarimiz ishtirok etgan ushbu  jaxon chempionatida 8ta oltin, 6ta kumush, 2ta bronza medallarini qo‘lga kiritishdi. Umumjamoa hisobida qizlar jamoasi I o‘rinni egallashdi.

Mazkur jahon chempionatida ishtirok etgan sportchilarimizni  Toshkent xalqaro aeroportiga yetib kelishdi. Ularni tantanali kutib olishda O‘zDJTSUning “Og‘ir atletika, velosport, ot sporti nazariyasi va uslubiyati” kafedrasi professor o‘qituvchilari va talabalari, OAV, sport jamoatchiligi, muxlislar va ota-onalar ham ishtirok etdi.

O‘zDJTSU jamoasi og‘ir atletikachilarimizni bunday muvaffaqiyatli ishtirok bilan tabriklab, oldinda kutib turgan yirik musobaqalarda ham ulkan muvaffaqiyatlar tilab qoladi.