“Bunyodkor” akademiyasi jamoalari xalqaro turnirda ishtirok etish uchun Qozog‘istonga boradi.

Xabaringiz bor, Qozog‘istonning Almati shahri bundan bir necha kun avval o‘tkazilgan “Navro‘z Kubogi” xalqaro turniriga mezbonlik qilgan edi.

Mazkur musobaqa davom etadi. Endi ishtirokchilar boshqa yosh toifasida g‘oliblik uchun kurash olib boradi. 31 mart-5 aprel kunlari o‘tkazilishi rejalashtirilgan turnirda “Bunyodkor” akademiyasidan ikki yosh toifasidagi jamoalar qatnashadi.

Shuhrat Yo‘ldoshev (2003 yilgi guruh), Mirkamol Qosimov (2004 yilgi guruh) murabbiyligidagi jamoalar ertaga Almata shahriga jo‘nab ketadi.