«Manchester Yunayted» yozgi transferlar oynasi uchun ikkita eng asosiy maqsadni belgilab oldi. Bu haqda The Independent xabar tarqatgan.

Nashrga ko‘ra, mankunianliklar «Real» himoyachisi Rafael Varan va «Borussiya D» yarimhimoyachisi Jeydon Sanchoni qo‘lga kiritishmoqchi. Klub rahbariyati ularning ikkisi ham 100 mln yevrodan kam turmasligini anglagani holda bunga yetarlicha tadorik ko‘rishgan. Boz ustiga, «MYU», zarurat tug‘ilsa, o‘z transfer rekordini yangilashga ham tayyor.

Ta’kidlanishicha, Madriddan Varanni olib kelishning imkoni bo‘lmagan taqdirda, «qizil iblislar» uning o‘rniga ikki muqobil variantni ko‘z ostilariga olishgan, bular – «Inter»dan Milan Shkrinyar va «Barselona»dan Samyuel Umtiti nomzodlaridir.