Superliganing 2-tur doirasida "Bunyodkor" - "Paxtakor»"uchrashuvi bo‘lib o‘tadi.

Bugun mazkur bellashuv oldidan yig‘ilish o‘tkazildi. Yig‘ilishni uchrashuv komissari Aleksandr Davidenko olib bordi va klub mas’ullari bilan o‘yinga bog‘liq tashkiliy masalalarni muhokama qildi.

Shuningdek, ertangi bahsda jamoalar qaysi rangdagi liboslardan foydalanishi ham ma’lum bo‘ldi. Unga ko‘ra, "Bunyodkor" a’zolari to‘liq ko‘k rangdagi liboslarda harakat qilsa, "Paxtakor" to‘liq oq rangdagi libosdan foydalanadi.

Eslatib o‘tamiz, Superliganing 2-tur doirasidan o‘rin olgan "Bunyodkor" - "Paxtakor" uchrashuvi ertaga soat 17:00da «Paxtakor» markaziy stadionida boshlanadi.