"Lokomotiv” – “Navbahor” uchrashuvidan so‘ng mezbonlar bosh murabbiyi Andrey Fyodorov quyidagicha fikr bildirib o‘tdi:
- Bugungi uchrashuvda qayd etilgan natijadan juda ham mamnunman. 1-tur o‘yinida uncha yaxshi chiqmagan jihatlarni bugungi bahsda yaxshi ijro eta oldik. Ikkinchi bo‘limni ayniqsa, juda yaxshi o‘tkazganimizni ta’kidlay olaman. Birinchi bo‘limda esa o‘zimizning pozision xatolarimiz evaziga o‘yinimiz uncha qovushmadi. Lekin tanaffusda buni muhokama etib oldik va natijada ikkinchi bo‘limni ma’romidagidek o‘tkazdik. Eng asosiysi esa – raqib darvozasini ishg‘ol etishning uddasidan chiqdik. Oldinda bizni juda muhim va mas’uliyatli o‘yinlar kutmoqda. Bugun biz oldindagi uchrashuvlar oldidan yaxshi tadorik ko‘rib oldik, - dedi mutaxassis.
