«Ayaks» himoyachisi Matteys de Ligt yozda «Barselona»ga o‘tishi kutilmoqda. Bu haqda Niderlandiyaning De Telegraaf nashri xabar tarqatdi.
Manbaga ko‘ra, Amsterdam klubi kataloniyaliklarga de Ligt uchun chegirma qilib berishini ma’lum qilgan. «Ayaks» va «Barsa» o‘rtasidagi iliq munosabatlar, qolaversa, o‘yinchining o‘zi ham ko‘k-anorrang libosni kiyishni istayotgani bunga sharoit yaratgan.
Avvalroq Mundo Deportivo 19 yoshli himoyachi agenti Mino Rayolani shoshirayotani va tezroq «Barselona» safiga o‘tishni xohlayotgani haqida xabar bergandi. Transfer qiymati 60 mln yevro atrofida bo‘lishi taxmin qilinmoqda. Matbuot Matteysni «Bavariya» va «Yuventus» bilan ham bog‘lab ko‘rsatmoqda.