«Аякс» ҳимоячиси Маттейс де Лигт ёзда «Барселона»га ўтиши кутилмоқда. Бу ҳақда Нидерландиянинг De Telegraaf нашри хабар тарқатди.
Манбага кўра, Амстердам клуби каталонияликларга де Лигт учун чегирма қилиб беришини маълум қилган. «Аякс» ва «Барса» ўртасидаги илиқ муносабатлар, қолаверса, ўйинчининг ўзи ҳам кўк-анорранг либосни кийишни истаётгани бунга шароит яратган.
Аввалроқ Mundo Deportivo 19 ёшли ҳимоячи агенти Мино Райолани шошираётани ва тезроқ «Барселона» сафига ўтишни хоҳлаётгани ҳақида хабар берганди. Трансфер қиймати 60 млн евро атрофида бўлиши тахмин қилинмоқда. Матбуот Маттейсни «Бавария» ва «Ювентус» билан ҳам боғлаб кўрсатмоқда.