Bugun 2 aprel kuni O‘zbekiston futbol assosiasiyasi binosida Tokio-2020 2-saralash bosqichidan o‘rin olgan uchrashuvlar oldidan matbuot anjumani tashkil qilindi. 

Mazkur matbuot anjumanida Gonkong ayollar olimpiya terma jamoasi bosh murabbiyi bosh murabbiyi Rikardo  Xose Rembo fikrlarini bildirib o‘tdi. 

“Olimpiada saralashining ikkinchi bosqichiga yo‘l olganimizdan xursandman. O‘yinlar oson bo‘lmasligi aniq. Bor imkoniyatlarimizni ishga solib, ijobiy natija qayd etishga harakat qilamiz.

Biz Vyetnam va Iordaniya bilan avval uchrashuv o‘tkazganmiz. Shu sababli bu terma jamoaning imkoniyatlarini yaxshi bilamiz.

Umuman olganda, guruhimizdagi barcha terma jamoalar kuchli. Vyetnamni alohida ajratib ko‘rsatish mumkin, sababi ular FIFA reytingida guruhdagi boshqa terma jamoalardan yuqoriroqda joylashgan” . 

Men Gonkongda 20 yildan beri yashayman. Bu mamlakat men uchun begona emas. Biz terma jamoa o‘yinini yaxshilash uchun katta hajmdagi ishni amalga oshirdik. Musobaqaga tayyormiz, deb ayta olaman”, - deydi Rembo.