Shu yilning 16-29 aprel kunlari Xitoyning Ninbo shahrida og‘ir atletika bo‘yicha kattalar o‘rtasida Osiyo chempionati bo‘lib o‘tadi.

Qit’amizning eng kuchli atletlarini jamlaydigan mazkur Osiyo chempionatida yurtdoshlarimiz ham ishtirok etishadi.

O‘zbekiston og‘ir atletika federasiyasi raisining birinchi o‘rinbosari Shahrullo Mahmudov boshchiligidagi delegasiyamiz ayni paytda mazkur turnirga qizg‘in hozirlik ko‘rmoqda. Musobaqada ishtirok etuvchi tarkibimiz bilan tanishing:
Erkaklar:
-73 kg: Adhamjon Ergashev va Doston Yoqubov
-96 kg: Farhod Sobirov
-102 kg: Sunnatilla O‘sarov
-109 kg: Akbar Jo‘rayev
+109 kg: Rustam Jangabayev
Ayollar:
-55 kg: Muattar Nabiyeva
-87 kg: Dolera Davronova

Ta’kidlash joiz, qit’a va jahon chempionatlari Tokio Olimpiadasi uchun eng ko‘p reyting ochkolarini taqdim etadi. Shunday ekan, bo‘lajak musobaqaning har bir vazn toifalarida bir-biridan murosasiz bellashuvlarning guvohi bo‘lishimiz, shubhasiz.

Terma jamoamiz vakillari doimo xalqaro musobaqalarda yuqori natija qayd etib kelishgan. Umid qilamizki, bu galgi qit’a birinchiligida ham atletlarimiz katta marralarni zabt etgan holda yurtimizga qaytib kelishadi.

Bellashuvlar 20 aprel kuni start oladi.