Kecha «Bunyodkor» akademiyasi maydonlarida to‘rt jamoa ishtirokida xalqaro mini-turnir start olgani haqida xabar bergandik.
Yarim finalda Yaponiyaning «Vanfore Kofu» jamoasidan ustun kelgan «Bunyodkor» bugun final bahsida maydonga tushdi.
«Nasaf»ga qarshi o‘ynagan Sergey Chigodayev shogirdlari qiziqarli uchrashuvda kichik hisobda g‘alaba qozondi. Muhammadyusuf Nosirov tomonidan urilgan gol o‘yin taqdirini hal qildi va «qaldirg‘ochlar» chempionlikni qo‘lga kiritdi.
Ta’kidlash joiz ushbu musobaqada uchinchi o‘rin uchun kechgan bahsda «Oaxtakor» yoshlari yaponiyalik tengqurlarini 2-0 hisobida mag‘lub etdi va musobaqa bronza medalarini qo‘lga kiritdi.
XALQARO TURNIR. FINAL
«Bunyodkor» (U-18) - «Nasaf» - 1:0
«Bunyodkor»: Mo‘min Qodirov, Sardor Abdurashidxo‘jayev, Xurshid Ubaydullayev, Jasur Abdulbekov, Muhammadyusuf Nosirov, Abdurauf Bo‘riyev, Siroj Bashriddinov, Farrux Muxtorov, Mironshoh Sattorov, Otabek Jo‘raqo‘ziyev, Jalol Sodiqov.
Zaxiradan tushganlar: Lazizxon Mo‘ydinov, Asad Azimjonov, Sobir Norboyev.
Gol: Muhammadyusuf Nosirov
