«Bunyodkor» akademiyasining 2005 yilda tug‘ilgan bolalardan iborat jamoasi Turkiyaning Antaliya shahrida o‘tkazilgan «Hane cup-2019» musobaqasida g‘olib bo‘lganidan xabaringiz bor.
Turnirda 5ta o‘yin o‘tkazib, barchasida g‘alaba nashidasini surgan Doniyor Usmonov shogirdlari yakunda shohsuppaga ko‘tarildi. Bugun tushda chempionlarimiz yurtimizga qaytib keldi. G‘oliblar «Bunyodkor» akademiyasida tantanali ravishda kutib olindi. Futbolchilarning ota-onalari, klub va akademiya rasmiylari chempionlarimizni g‘oliblik bilan qutlar ekan, ularga omad tilab qolishdi.
