Toshkentning "Lokomotiv" klubi hujumchisi Alisher Shog‘ulomov jamoani tark etgan. Bu haqda Worldnews axborot agentligi xabar bermoqda.
Ma’lumotlarga ko‘ra, ayni damda Alisher Shog‘ulomov jamoa bilan mashg‘ulotlar o‘tkazmayapti. So‘nggi turlarda hujumchi jamoaning qaydnomasiga ham kiritilmayapti.
“Gapimizga isbot sifatida aytishimiz mumkinki, klub rasmiy saytlari tomonidan berilgan fotogalereyalarda ham Shog‘ulomov ko‘rinish bermayapti.
Asosan zaxiradan o‘yinga qo‘shiladigan hujumchi jamoa bilan Saudiya Arabistoniga ham yo‘l olmagan. Alisher Toshkentda. Klub rasmiylaridan ushbu ma’lumotga oydinlik kiritishlarini so‘raymiz”, deyiladi agentlik xabarida.
