Bilasiz, ushbu hafta so‘nggida Superligada 4-tur uchrashuvlari bo‘lib o‘tadi.

Superliga 019 yilgi mavsumidan boshlab, har bir tur uchrashuvlarida jamoalarning qanday rangdagi libosda maydonga chiqishlari Professional futbol ligasi tomonidan belgilab berilmoqda. Bunda mezbon jamoaning o‘z maydonida muxlislari qarshisida to‘p surishi inobatga olinib, birinchi galda mezbon klubning asosiy rangidagi libosda harakat qilishi ahamiyat kasb etadi. Shu boisdan har bir klub yangi mavsum uchun uy va safar liboslarini bir-biridan keskin farq qiladigan tarzda tanlashlariga urg‘u berildi.

4-tur doirasidagi so‘nggi bahsda “Lokomotiv” o‘z maydonida AGMKni qabul qiladi. Mazkur uchrashuvda “temiryo‘lchilar” qizil-qizil-qizil libosda maydonga chiqishadi. AGMK futbolchilari esa sariq futbolka, qora shorti hamda qora rangdagi getrilarda harakat qilishadi. 

Ta’kidlash joiz, “Lokomotiv” — AGMK bahsi 14 aprel, yakshanba kuni soat 18:20da bo‘lib o‘tadi.