Yevropa chempionlar ligasining chorak final bosqichi doirasida «Ayaks» o‘z uyida «Yuventus»ni qabul qildi. Yuqori tempda o‘tgan o‘yin durang bilan yakunlandi.

Birinchi bo‘lim davomida amsterdamliklar ko‘proq golga tortadigan vaziyat yaratishdi. Voysex Shchesni yaxshi harakat qilib, raqibning gol urishga yo‘l qo‘ymadi. Bo‘lim oxirida esa mezbonlar raqib hujumini o‘tkazib yuborishdi. O‘ng qanotdan yetkazib berilgan uzatmaga "keksa sinyora" hujumchisi Krishtianu Ronaldu darvozagacha 5-6 metrlardan bosh bilan zarba berib, hisobni ochdi.

Ikkinchi bo‘lim boshlanishi bilan "Ayaks" tomonidan uyushtirilgan dastlabki hujum gol bilan yakunlandi. Neres 12-13 metrlardan aylanma zarba berib, "Yuventus" posbonini dog‘da qoldirdi.

Shundan so‘ng ham ustunlik maydon egalari tomonida bo‘ldi. Ular qisqa uzatmalar juda chiroyli kombinasiyalar tashkil qilishdi. Turinliklar o‘z jarima maydonchalari ichiga "qamalib" olishga majbur bo‘lishdi. Faqat vaziyatlardan foydalanishda gollandiyaliklarga omad kulib boqmadi. O‘yin so‘ngida esa zaxiradan maydonga tushgan Duglas Kosta chap tomondan oldinga o‘tdi va uning zarbasi darvozasi ustuniga tegib qaytdi.

Javob o‘yini 16 aprel kuni Turinda bo‘lib o‘tadi.

Yevropa chempionlar ligasi, chorak final, dastlabki o‘yin
Ayaks Gollandiya – Yuventus Italiya 1:1 (0:1, 1:0)
Gollar: 0:1 – 45 Ronaldu, 1:1 – 46 Neres.
Ayaks – Onana, de Ligt, Talyafiko, Veltman, Blind, van de Bek, Ziyesh, Tadich, Shene (Ekkelenkamp, 75), Neres, de Yong.
Yuventus – Shchensni, Rugani, Aleks Sandro, Joau Kanselu, Bonuchchi, Bentankur, Pyanich, Matyuidi (Dibala, 75), Bernardeski (Xedira, 90), Ronaldu, Mandjukich (Duglas Kosta, 60).
Ogohlantirishlar: Talyafiko (41), de Yong (55), Shene (71), Pyanich (83), Ekkelenkamp (90).