Samarqand shahridagi sportning o‘yin turlari va yengil atletika bo‘yicha ixtisoslashtirilgan bolalar-o‘smirlar sport maktabida muaytay bo‘yicha yoshlar o‘rtasida O‘zbekiston chempionati boshlandi.

Chempionat 2001-2002 yillar va 2003-2004 yillarda tug‘ilgan o‘g‘il-qizlar o‘rtasida o‘tkazilmoqda. Mazkur chempionatda g‘oliblikni qo‘lga kiritgan mahoratli sportchilar joriy yilning oktyabr oyida Turkiyaning Antaliya shahrida o‘tkaziladigan yoshlar o‘rtasidagi jahon chempionatida ishtirok etishadi.

Musobaqa g‘oliblari 14 aprelda aniqlanadi.