“Nasaf” – “Navbahor” uchrashuvidan so‘ng mehmonlar ustozi Andrey Kanchelskis quyidagicha fikr bildirib o‘tdi:
“Yaxshi o‘yin bo‘ldi. “Nasaf” jamoasi iste’dodli yoshlardan tashkil topgan yaxshi jamoa. Jamoa yaxshi o‘yin namoyish etadi, haqiqiy futbol ko‘rsatishga urinadi. Bugun esa bizning jamoada ko‘proq qulay imkoniyatlar bo‘ldi. Shu boisdan haqli tarzda g‘alabaga erishdik, deb o‘ylayman.
Shuni alohida qayd etmoqchimanki, bunday ajoyib stadionda, bunday yaxshi holatdagi maydon va atmosferada to‘p surish ajoyib, buning uchun “Nasaf” vakillariga minnatdorchilik bildiraman.
O‘yin biroz asabiy tarzda kechdi. Ko‘plab qulay vaziyatlar yuzaga keldi va biz raqib darvozasini ishg‘ol eta oldik. Buning uchun jamoamgam minnatdorchilik izhor qilaman, bugun yigitlarning o‘yinidan qoniqdim, desam bo‘ladi, - dedi mutaxassis.
