“Насаф” – “Навбаҳор” учрашувидан сўнг меҳмонлар устози Андрей Канчельскис қуйидагича фикр билдириб ўтди: 

“Яхши ўйин бўлди. “Насаф” жамоаси истеъдодли ёшлардан ташкил топган яхши жамоа. Жамоа яхши ўйин намойиш этади, ҳақиқий футбол кўрсатишга уринади. Бугун эса бизнинг жамоада кўпроқ қулай имкониятлар бўлди. Шу боисдан ҳақли тарзда ғалабага эришдик, деб ўйлайман. 

Шуни алоҳида қайд этмоқчиманки, бундай ажойиб стадионда, бундай яхши ҳолатдаги майдон ва атмосферада тўп суриш ажойиб, бунинг учун “Насаф” вакилларига миннатдорчилик билдираман.

Ўйин бироз асабий тарзда кечди. Кўплаб қулай вазиятлар юзага келди ва биз рақиб дарвозасини ишғол эта олдик. Бунинг учун жамоамгам миннатдорчилик изҳор қиламан, бугун йигитларнинг ўйинидан қониқдим, десам бўлади, - деди мутахассис.