Avvalroq Worldnews.uz axborot agentligi Superliganing 4-turidan o‘rin olgan “Lokomotiv” – AGMK o‘yini boshqa stadionga ko‘chirilishi haqida xabar bergan edi.
Rasmiy ma’lumotga ko‘ra, 14 aprel kuni bo‘lib o‘tadigan bahs aslida “Lokomotiv” stadionida soat 18:20da boshlanishi lozim bo‘lgan o‘yin shu kuni Qozog‘iston respublikasi prezidenti Qosim-Jo‘mart To‘qayev O‘zbekistonga tashrif buyurishi hamda TTZ dahasidagi “Ko‘ksaroy”da tadbir o‘tkazilishi tufayli barcha asosiy yo‘llar yopiladi. Hududda boshqa hech qanday tadbir o‘tkazilishiga ruxsat berilmaydi.
Shu bois “Lokomotiv” klubi PFLga ikkinchi stadioni TTYMI o‘yingohida o‘tkazishini ma’lum qildi.
Natijada 14 aprel kuni bo‘ladigan “Lokomotiv” – AGMK bellashuvi TTYMI stadioniga ko‘chirildi. O‘yin boshlanish vaqti 16:30ga belgilab qo‘yildi.
