Bugun Angliya premyer-ligasining 34-turi chempion jamoa nomini aniqlab berishi mumkin. 

Mazkur turda chempionlik uchun da’vogarlik qilayotgan “Liverpul” “Enfild”da “Chelsi”ni qabul qilsa, 

“Manchester Siti” Brendan Rojersning jamoasiga qarshi mehmonda o‘ynaydi. 

Hozircha, “mersisaydliklar” 82-ochko bilan turnir jadvalini boshqarib turibdi, lekin “Manchester Siti” ulardan  ikki ochko ortda holos. 

Bu o‘yin qolaversa, “Chelsi” uchun muhim ahamiyat kasb etadi, kecha “Xaddersfild” ustidan yirik hisobda g‘alaba qozongan “Tottenxem” “ko‘klar”ning o‘rinini tortib oldi. 

Agar bugun “Liverpul” g‘alaba qozonib, “Manchester Siti” ochko yo‘qotsa, “mersisaydliklar” muddatidan oldin chempionlik masalasini hal qiladi.

Agarda “Liverpul” ochko yo‘qotib “Manchester Siti” 3 ochko ishlab olsa, “shaharliklar” taxtni qo‘ldan boy bermaydi. 

Kamiga “Manchester Siti” gol urish bo‘yicha “Liverpul”dan ustun, ammo gol o‘tkazib yuborish bo‘yicha “Liverpul” “shaharliklar”ni dog‘da qoldira oladi. 

“Man Siti” – o‘tkazib yuborilgan gollar (21), urilgan gollar (83) 

“Liverpul” –  o‘tkazib yuborilgan gollar (20), urilgan gollar (75). 

“Liverpul”ning keyingi turdagi raqiblari bilan tanishing. 

21.04/ “Kardiff” – “Liverpul” 

26.04/ “Liverpul” – “Xaddersfild” 

04.05/ “Nyukasl” – “Liverpul” 

12.05/ “Liverpul” – “Vulverxepton” 

“Manchester Siti”ning keyingi 4 ta raqibi 

20.04/ “Manchester Siti” – “Tottenxem” 

28.04/ “Byornli” – “Manchester Siti” 

04/05 “Manchester Siti” – “Lester” 

12/05 “Brayton” – “Manchester Siti”. 

Xulosa, menimcha, bugun “Liverpul” “Chelsi” to‘sig‘idan o‘tishi biroz qiyin bo‘ladi, ammo “Siti”  “Kristal Pelas”ni yengishiga aqli yetadi. Lekin, “Kristal Pelas” ham o‘z maydonida osonlikcha taslim bo‘lmaydi. 

Hisobni taxmin qilishim ham mumkin, bugun “Liverpul” “ko‘klar” ustidan 2:1 hisobida g‘alaba qozonadi, “Siti” esa “Kristal Pelas”ni 1:3 hisobida taslim qiladi va chempionlik poygasi turning oxiracha davom etadi.

Abror Eshonxonov