Бугун Англия премьер-лигасининг 34-тури чемпион жамоа номини аниқлаб бериши мумкин. 

Мазкур турда чемпионлик учун даъвогарлик қилаётган “Ливерпуль” “Энфилд”да “Челси”ни қабул қилса, 

“Манчестер Сити” Брендан Рожерснинг жамоасига қарши меҳмонда ўйнайди. 

Ҳозирча, “мерсисайдликлар” 82-очко билан турнир жадвалини бошқариб турибди, лекин “Манчестер Сити” улардан  икки очко ортда ҳолос. 

Бу ўйин қолаверса, “Челси” учун муҳим аҳамият касб этади, кеча “Хаддерсфилд” устидан йирик ҳисобда ғалаба қозонган “Тоттенхэм” “кўклар”нинг ўринини тортиб олди. 

Агар бугун “Ливерпуль” ғалаба қозониб, “Манчестер Сити” очко йўқотса, “мерсисайдликлар” муддатидан олдин чемпионлик масаласини ҳал қилади.

Агарда “Ливерпуль” очко йўқотиб “Манчестер Сити” 3 очко ишлаб олса, “шаҳарликлар” тахтни қўлдан бой бермайди. 

Камига “Манчестер Сити” гол уриш бўйича “Ливерпуль”дан устун, аммо гол ўтказиб юбориш бўйича “Ливерпуль” “шаҳарликлар”ни доғда қолдира олади. 

“Ман Сити” – ўтказиб юборилган голлар (21), урилган голлар (83) 

“Ливерпуль” –  ўтказиб юборилган голлар (20), урилган голлар (75). 

“Ливерпуль”нинг кейинги турдаги рақиблари билан танишинг. 

21.04/ “Кардифф” – “Ливерпуль” 

26.04/ “Ливерпуль” – “Хаддерсфилд” 

04.05/ “Ньюкасл” – “Ливерпуль” 

12.05/ “Ливерпуль” – “Вулверхэптон” 

“Манчестер Сити”нинг кейинги 4 та рақиби 

20.04/ “Манчестер Сити” – “Тоттенхэм” 

28.04/ “Бёрнли” – “Манчестер Сити” 

04/05 “Манчестер Сити” – “Лестер” 

12/05 “Брайтон” – “Манчестер Сити”. 

Хулоса, менимча, бугун “Ливерпуль” “Челси” тўсиғидан ўтиши бироз қийин бўлади, аммо “Сити”  “Кристал Пэлас”ни енгишига ақли етади. Лекин, “Кристал Пэлас” ҳам ўз майдонида осонликча таслим бўлмайди. 

Ҳисобни тахмин қилишим ҳам мумкин, бугун “Ливерпуль” “кўклар” устидан 2:1 ҳисобида ғалаба қозонади, “Сити” эса “Кристал Пэлас”ни 1:3 ҳисобида таслим қилади ва чемпионлик пойгаси турнинг охирача давом этади.

Аброр Эшонхонов