Xabar berib o‘tganimizdek, ertaga Andijon shahridagi “Sog‘lom Avlod” stadionida ”Andijon” – “Nasaf” jamoalari o‘rtasidagi uchrashuv bo‘lib o‘tadi.

Andijon viloyati hokimi Shuhratbek Abdurahmonovning tashabbusi bilan rekonstruksiya qilingan “Sog‘lom Avlod” stadionining tantanali ochilish marosimi bo‘lib o‘tadi.

Ushbu tadbirda yurtimizning ko‘zga ko‘ringan san’atkorlari – Rayxona G‘aniyeva, Munisa Rizayeva, Jasur Umirov va yana bir qator mehmon san’atkorlar ishtirok etishadi.

Stadionning tantanali ochilish marosimi soat 16:00da boshlanadi.