Yevropa ligasi Angliyaning ikkinchi jamoasi ham yarim final yo‘llanmasini qo‘lga kiritdi. "Chelsi" Chexiyada bo‘lib o‘tgan o‘yinda "Slaviya"ni kichik hisobda mag‘lub etgandi.

Javob o‘yinida esa Sarri shogirdlari dastlabki 17 daqiqa ichida 3ta gol urib, raqibni butunlay "nokaut"ga uchratgandek bo‘lishgandi. Biroq 25-daqiqada "Slaviya" bitta javob to‘pini kiritgan bo‘lsa, oradan 2 daqiqa o‘tib Pedro yana bir golga mualliflik qilib, "dubl"ga erishdi.

Ikkinchi bo‘lim boshida esa chexiyaliklar hujumchisi Shevchik 3 daqiqa ichida 2ta gol urib, hisobni 4:3 ko‘rinishga keltirib qo‘yishdi. Yana 2ta gol "Slaviya"ni yarim finalga olib chiqishi mumkin edi. Ammo qolgan daqiqalarda londonliklar xushyor o‘ynashdi va Yevropa ligasi yarim final bosqichi yo‘llanmasiga ega bo‘lishdi.

Yevropa ligasi. Chorak final. Javob o‘yini
Chelsi Angliya – Slaviya Chexiya 4:3 (4:1, 0:2)
Gollar: 1:0 – 5 Pedro, 2:0 – 9, avtogol Deli, 3:0 – 17 Jiru, 3:1 – 25 Souchek, 4:1 – 27 Pedro, 4:2 – 51 Shevchik, 4:3 – 54 Shevchik.
Chelsi – Arrisabalaga, Kristensen, Emerson, Aspilikueta, David Luiz, Barkli (Jorjinyo, 70), Kovachich, Pedro (Xadson-Odoi, 87), Kante, Azar (Villian, 65), Jiru.
Slaviya – Kolarj, Deli, Borjil, Kudela, Ngade-Ngajui, Masopust (Olayinka, 52), Souchek, Traore, Shevchik (Stox, 78), Zmrgal (Shkoda, 85), Kral.
Ogohlantirishlar: Kante (33), Souchek (53), Kudela (73), Emerson (75), Arrisabalaga (83), David Luiz (89).
Birinchi o‘yin: 1:0.